Xodimlarga boʻlajak rahbarlar va kuchli ekspertlar boʻlib yetishishga qanday yordam berish mumkin? AVO bank bu savolga AVO Leaders dasturi bilan javob berdi va xalqaro EMBRAS 2026 mukofotida kumush medalni qoʻlga kiritdi.
23-oktyabr kuni Toshkentda Employer Brand Award EMBRAS 2026 taqdirlash marosimi boʻlib oʻtdi. Bu yil mukofotda 35 ta nomzod ishtirok etib, toʻqqizta nominatsiyada 76 ta loyihani taqdim etdi. Loyihalarni xalqaro hakamlar hayʼati baholadi. Uning tarkibida 20 dan ortiq mamlakatdan ish beruvchi brendi boʻyicha ekspertlar bor. AVO bank AVO Leaders dasturi bilan «Isteʼdodlarni rivojlantirish: liderlik salohiyati» nominatsiyasida kumush medalga sazovor boʻldi.
AVO Leaders dasturi qanday ishlaydi?
AVO Leaders amaliy bir vazifadan kelib chiqdi: kuchli mutaxassislarni nafaqat topish, balki ularning kompaniya ichida rivojlanishiga yordam berish ham muhim. Bu, ayniqsa, kelajakda jamoalarga rahbarlik qilishi yoki oʻz sohasida asosiy ekspertga aylanishi mumkin boʻlgan insonlarga tegishli.
Dastur ikki yoʻnalishni birlashtirdi. HiPo (high potential) yoʻnalishi liderlik salohiyati yuqori boʻlgan xodimlarga moʻljallangan. HiPro (high professional) esa bilimi va tajribasi bank uchun ayniqsa muhim boʻlgan asosiy ekspertlarga qaratilgan.
Ishtirokchilar kompetensiyalarini baholashdan oʻtdi, individual rivojlanish rejalari ustida ishladi, vorislarni tayyorlash dasturlari boʻyicha oʻqidi va top-menejerlar orasidan tayinlangan murabbiylar koʻmagini oldi. Dastur doirasida ichki debatlar formati AVO Debates va bilim almashish platformasi AVO Mind ham paydo boʻldi.
Gʻoya oddiy: rivojlanish faqat treninglarda yuz bermaydi. Haqiqiy ish vazifalari, qayta aloqa, hamkasblar koʻmagi va oʻzini yangi rolda sinab koʻrish imkoniyati ham shunchalik muhim.
Dastur bankka nima berdi?
«Biz uchun xodimlar nafaqat oʻz ishini yaxshi bajarishi, balki keyin qayerga oʻsishi mumkinligini ham koʻrishi muhim. Kimdir rahbarlik roliga tayyorlanadi, kimdir esa ekspertizasini chuqurlashtirib, oʻz sohasida kuchliroq boʻlishni xohlaydi. Biz uchun har ikkala yoʻlni qoʻllab-quvvatlash muhim», deydi AVO bankʼning inson resurslari boʻyicha direktori Nigina Muratova.
«AVO Leaders rivojlanishni yanada tushunarli va tizimli qilishga yordam beradi: kuchli tomonlarni baholash, aniq maqsadlar, oʻqitish va murabbiylar koʻmagi bilan. Biz AVO bank odamlar uchun oʻz salohiyatini ochadigan, yangilikni sinab koʻradigan va biznes bilan birga oʻsadigan joy boʻlishini xohlaymiz».
Keyin nima boʻladi?
EMBRAS 2026 kumush medali AVO bank uchun jamoa mehnati va xodimlarni rivojlantirishda tanlangan yondashuvning eʼtirofi boʻldi. Mukofot ortida yangi karyera imkoniyatlari, kuchli ichki ekspertiza va oʻsishning keyingi bosqichlariga tayyor jamoa turibdi.
AVO bank xodimlarga oʻsish va kompaniya ichida yangi imkoniyatlar topishga yordam beradigan dasturlarni rivojlantirishda davom etadi. Ochiq vakansiyalar va bankdagi karyera haqida maʼlumot avobank.uz/uz/career sahifasida jamlangan.
