24-avgust kuni Toshkentda Silk Road Finance & Technology Forum ish boshlaydi – bu forumni Oʻzbekiston Respublikasi Markaziy banki Singapurning GFTN tarmogʻi bilan hamkorlikda oʻtkazadi. AVO bank unda rasmiy Silver-homiy sifatida qatnashadi, 25-avgust kuni esa mijozlar onbordingi boʻyicha oʻz ochiq vorkshopini oʻtkazadi. Uch kunlik dastur CAEx Uzbekistan va Islom sivilizatsiyasi markazi maydonchalarida boʻlib oʻtadi.
Forum haqida: «Al-Jabr» va fintech markazi sari yoʻl
Forumning mavzusi – «Al-Jabr»: bu al-Xorazmiyga hamda tartibga solish, innovatsiyalar va bozor oʻsishi tutashgan tenglamani yechish gʻoyasiga ishora. Maydonchada 200 ga yaqin ekspert jam boʻladi: regulyatorlar, banklar, fintech kompaniyalari va xalqaro investorlar. Bu ishning eʼlon qilingan maqsadi taʼrifda oddiy, ijroda esa murakkab – 2031-yilga qadar Oʻzbekistonni Markaziy Osiyoning fintech markaziga aylantirish.
AVO vorkshopi: onbordingning «masʼuliyatli tezligi»
Bizning «Speed vs. Clarity: Rethinking Customer Onboarding» sessiyamiz 25-avgust kuni soat 14:00 dan 14:30 gacha CAExʼdagi Roundtable room 2 zalida boʻlib oʻtadi. Ishtirok forumning barcha mehmonlari uchun ochiq.
Mijozning ilovadagi dastlabki daqiqalarini bir vaqtning oʻzida qanday qilib tez, tushunarli va xavfsiz qilish mumkinligini muhokama qilamiz. Foydalanuvchining istagi tushunarli: mahsulotni ikki-uch bosishda qoʻlga kiritish. Biroq bank shartlarni batafsil tushuntirishi va mijozni xatarlardan himoya qilishi shart. Eng qizigʻi ham aynan shu yerda boshlanadi. Biz bu muvozanatni «masʼuliyatli tezlik» deb ataymiz va mahsulot haqidagi izohni koʻpincha hech kim ochib koʻrmaydigan hujjatlarga yashirish oʻrniga, uni bevosita roʻyxatdan oʻtish jarayonining oʻziga qanday uyg’unlashtirish mumkinligini koʻrsatamiz.
AVO bank haqida
AVO bank – mobile-first tamoyili asosida qurilgan yangi avlod raqamli banki: kartalar, omonatlar, mikroqarzlar, pul oʻtkazmalari va toʻlovlar bank boʻlimiga bormasdan ilovada mavjud. Bugungi kunda bank xizmatlaridan 3 mln dan ortiq kishi foydalanadi, ilova oʻrnatishlar soni esa 5 mln dan oshdi.
Hamkasblar, hamkorlar va investorlarni 25-avgust kuni boʻlib oʻtadigan vorkshopga taklif qilamiz – roʻyxatdan forumning rasmiy sayti orqali oʻtish mumkin. Oʻzbekiston fintex bozori qoidalar kelishib olinishidan tezroq oʻsmoqda, bunday maydonchalar esa ana shu uzilishni qisqartirish uchun ham kerak.
