5-avgustdan boshlab AVO bank mobil ilovasida UzQR orqali to‘lov imkoniyatlari kengaydi. Endi QR-kod yordamida nafaqat Uzcard digital virtual kartasidan, balki AVO bank kredit kartangizdan ham — kredit limiti yoki o‘z mablag‘laringiz hisobidan to‘lov qilishingiz mumkin. Shuningdek, to‘lov uchun ilovaga ulangan istalgan HUMO va Uzcard kartalaridan ham foydalanish imkoni yaratildi.
Bu yangilanish odatiy POS-terminal bo‘lmagan joylarda: bozorlar, kichik kafelar, servis ustaxonalari yoki O‘zbekiston bo‘ylab sayohatlarda qo‘l keladi. Kassadagi UzQR kodini skanerlang va bankomat qidirish yoki P2P-o‘tkazmalarga ovora bo‘lmasdan, to‘lovni to‘g‘ridan-to‘g‘ri ilovaning o‘zidan istalgan karta yoki AVO bank kredit limiti orqali amalga oshiring.
UzQR orqali kredit limiti hisobidan to'lov qilish xuddi karta orqali oddiy xarid kabi ishlaydi. Imtiyozli operatsiyalar bo'yicha komissiya undirilmaydi, amalga oshirilgan xaridlarga esa foizsiz imtiyozli davr amal qiladi.
To'lovni qanday amalga oshirish mumkin?
Bu jarayon atigi bir necha soniya vaqtni oladi. Savdo nuqtasida kassirga UzQR orqali hisob-kitob qilishingizni ayting va quyidagi oddiy qadamlarni bajaring:
- AVO bank ilovasini ochib, “To‘lovlar va o‘tkazmalar” bo‘limiga o‘ting
- Yuqori o‘ng burchakdagi QR belgisini bosing
- UzQR-kodni skanerlang
- To‘lov miqdorini tekshiring yoki uni qo‘lda kiriting
- Mablag‘ yechiladigan manbani tanlang: AVO bank kredit kartasi, Uzcard digital kartasi yoki ulangan istalgan HUMO/Uzcard kartalari
