Tizimli undiruv: AVO bank va HiveTech’ning collection jarayonlarini avtomatlashtirishdagi tajribasi — AVO Bank

Auditdan soft collection biznes-jarayonlarini loyihalashga o‘tish

Kompleks auditning birinchi bosqichidagi asosiy natijalardan biri — bu, o‘zgarishlar bo‘yicha yo‘l xaritasining ishlab chiqilishi. U Collection CRM yangi undiruv tizimi yordamida tezkor natijalardan strategik avtomatlashtirishga o‘tishga imkon berdi.

Loyihaning ikkinchi bosqichi muddati o‘tgan qarzdorlik — oldindan undirish (pre-collection) va erta undirish (soft collection), bilan ishlashning dastlabki bosqichlarini tahlil qilishga qaratildi. Ushbu jarayonlar har qanday garovsiz chakana kreditlash modelining daromadlilik bo‘yicha asosiy harakatlantiruvchi omillari hisoblanadi.

HiveTech va AVO bank jamoasi birlashgan holda:

joriy KPI’larni tahlil qildi va dastlabki bosqichlarda undiruv natijalarini baholash uchun yangi baholash mezonlarini ishlab chiqdi;
«yuqori xavf guruhiga mansub mijoz» nuqtai nazaridan muloqotlarning vaqt oralig‘i va davriyligi bo‘yicha taymlaynni shakllantirdi;
ushbu undiruv bosqichlari uchun maqsadli biznes-jarayonlarini ishlab chiqdi;
mijozlar portfelini tabaqalashtirishdi (Pre-, Early-, SkipTrace), shuningdek, qarzdorlarni tasniflash uchun o‘lchov metrikalarini va samaradorlikni monitoring qilish uchun operativ dashbordlarni ishlab chiqdi.

Birinchi va ikkinchi bosqich davomida joriy etilgan o‘zgarishlar o‘z samaradorligini ko‘rsatishga ulgurdi — hamkorlik davrining o‘zidayoq connect rate, prepayment ulushi va kredit portfekining sog‘lomlashtirish ko‘rsatkichlarining o‘sishiga olib keldi.

Barcha undiruv bosqichlarini avtomatlashtirish tizimi arxitekturasi

Uchinchi bosqich davomida HiveTech jamoasi bo‘lajak Collection CRM’ning arxitektura modelini ishlab chiqdi. Uning vazifasi qarzdorlik bilan ishlashning barcha bosqichlarini yagona raqamli muhitda birlashtirishdan iborat. Loyiha undiruv jarayonlarini boshqarishning markazlashgan tizimiga bosqichma-bosqich o‘tishini nazarda tutadi. Bu qarzdorlik bilan ishlashning barcha jarayonlarini — pre-collection’dagi prepayment bilan ishlashdan tortib, sud va ijro ishlarigacha, to‘liq qamrab oladi.

Yangi tizimning asosiy modullariga quyidagilar kiradi:

ma’lumotlarni yuklash va tayyorlash (ETL);
strategiyalarni boshqarish va mijozlarni tasniflash;
qarzdorlikni joyiga chiqib undirish;
autsorsingdagi collection;
sud ishlari;
ijro ishlari;
sug‘urta holatlari bo‘yicha undiruv.

Alohida e’tibor mijozlarni tasniflash mexanizmiga qaratildi. Tizimda shartnomalarni undiruv bosqichlari bo‘yicha — pre-collection’dan sud jarayonlarigacha, avtomatik taqsimlash imkoniyati ko‘zda tutilgan. Bunda muddati o‘tganlik parametrlari, qarz tuzilmasi, mijozning geografiyasi va obyekt modelida mavjud bo‘lgan boshqa omillar hisobga olinadi. Bunday yondashuv bankka qarzdorlik bilan ishlashning maqbul strategiyasini avtomatik aniqlash va mijozlarni o‘z vaqtida undiruv bosqichlari orasida o‘tkazish imkonini beradi.

Sud va ijro ishlarining maqsadli jarayonlarini ishlab chiqishda shartnomalar to‘plamini reyestrli qayta ishlash varianti ma’qullandi. Bu jarayonlarni muntazam ravishda ishga tushirish rejimi va reyestrlar uchun mas’ul xodimlar vazifalarini nazorat qilish mexanizmlari hisobiga kelajakda operatsion xatolarni sezilarli darajada kamaytirish imkonini beradi.