1. AVO

  2. AVO gap

  3. Maktabga tejamli tayyorgarlik: oyijonlar sir-asrorlari

Maktabga tejamli tayyorgarlik: oyijonlar sir-asrorlari

Sentyabr yaqinlashgani sari, o‘quvchilarning ota-onalari xarajatlarga shay turishibdi. 2000-yillarda maktabda o‘qigan paytlarimda biz o‘quv qurollarini yozgi maktab yarmarkalaridan xarid qilardik. Kiyim-kechak izlab «Chorsu»ga borardik. «Ippodrom» yoki «O‘rikzor»ga ham borganmiz, lekin bir-ikki marta. Chunki bu bozorlar Yunusoboddan ancha uzoq edi. Vaqt o‘tib «Uch Qahramon» bozori paydo bo‘ldi — u yaqinroqda joylashgani uchun xaridlarimiz ham ancha osonlashdi.

Maktabga oz qoldi: oyijonlar tejamli tayyorgarlik ko‘rish sir-asrorlari bilan bo‘lishadilar

Hozirda o‘sha maktab bozorlariga zamonaviy muqobillar paydo bo‘ldi: savdo markazlari, do‘konlar tarmoqlari (Korzinka, Makro, Magnum), mahalliy (Uzum, Express24) va xorijiy (Wildberries, Ozon) onlayn-bozorlar. Shunday bo‘lsa-da, katta bozorlar hamon gavjum. Men tanishlarimdan buyum va kanselyariya mahsulotlarini qayerdan sotib olishni ma’qul ko‘rishlari va maktab xaridlari uchun qancha sarflashlarini so‘rab chiqdim.

Birinchi marta — birinchi sinfga 

Azizaning aytishicha, portfel va o‘quv qurollarini bolaga maktabning o‘zi sovg‘a qilinadi. Formaga kelsak, 2018-yildan beri yurtimizda yagona maktab formasini joriy etishga urinishmoqda, ammo hozirgacha buning natijasi ko‘rinmadi. Maktabgacha va maktab ta’limi vazirligi boshqarma boshlig‘i Azamat Kamolovning ta’kidlashicha, bu yil ham har bir maktab, avvalgidek, talablarni o‘zi belgilaydi. Azizaning farzandlari boradigan maktabda o‘g‘il bolalar uchun forma: uchlik komplekt (ko‘k rangli kostyum, shim, nimcha), bo‘yinbog‘ va oq ko‘ylakdan iborat.

«Biz telegramda ota-onalar uchun alohida guruh ochdik va maktabga bozorlikni kim qayerda qilishini muhokama qila boshladik. Ba’zilar yarmarkali do‘konlar manzillarini bo‘lishdi. Ko‘pchilik Sergeli dehqon bozori va «Do‘stlik» bozorini maqtadi, lekin u yerda bizga kerakli ko‘k rangli formani topish qiyin ekan. Avvaliga do‘kon va bozorlarga borgim kelmadi. Uzum’ga kirdim va chegirmali narxda 120 ming so‘mga ko‘ylaklarni ko‘rdim — menga bu ancha qimmatdek tuyuldi, ustiga-ustak ishlab chiqaruvchi ham noma’lum, materiali qanaqa, bilmayman. Shundan keyin «Bek-Baraka» bozoriga borib, «Abu Saxiy» savdo markazidan kerakli hamma narsani topdim. Ikkita havo o‘tkazadigan, yaxshi oq ko‘ylaklarni 100 ming so‘mdan, maykalar 14 ming so‘mdan, jismoniy tarbiya uchun sifatli oq futbolkalarni 45 ming so‘mdan va trikoni esa 50 ming so‘mga sotib oldim. Eng qiyini sifatli kostyum topish bo‘ldi. Narxlarning boshlanishi 380 ming so‘mdan. Turkiyada ishlab chiqarilgan komplektni chegirma bilan 880 ming so‘mga xarid qildim. 160 mingga to‘qilgan nimcha va 140 mingga almashtirib kiyish uchun shim ham oldim. Bolalar poyafzalini har doim «Do‘stlik» bozoridagi tanish do‘kondan sotib olaman — mokasinlarni o‘sha yerdan 100 ming so‘mga xarid qildim».

Aziza
Aziza bozorda birinchi sinfga boradigan o‘g‘li uchun kiyim-kechakka taxminan 1,6 million so‘m sarfladi.

Narxlar kun sayin oshib boradimi?

Viktoriya A. xaridlarga strategik jihatdan yondashadi. Uning qizi 3-sinfga boradi. Ota-onalar davlat maktabidagi pullik sinf uchun oyiga 1,5 million so‘m to‘laydi. O‘quv daftarlari va kitoblarni maktabning o‘zi ta’minlaydi, ammo qo‘shimcha darsliklar va sinfdan tashqari o‘qish uchun kitoblarni sotib olish kerak bo‘ladi.

Odatda maktab formasi bo‘yicha o‘quv yili boshlanishiga yaqin ma’lum qilinadi, shu sababli Viktoriya bozorlik qilishga shoshilmaydi. Bu yil qizlar uchun ko‘k rangdagi yubka, nimcha va oq kofta olish kerak ekan. Kiyimlarni hozircha savdo markazlaridan xarid qilmoqchi.

Maktabga oz qoldi: oyijonlar tejamli tayyorgarlik ko‘rish sir-asrorlari bilan bo‘lishadilar

«Ryukzak sotib olsa bo‘ladigan hamma yerni qarab chiqdim: Xitoy saytlaridan tortib Telegram-kanallari va marketpleyslargacha. Odatda Uzum’dan faqat sinovdan o‘tgan narsalarni buyurtma qilaman. U yerda yuqori sifatli narsalar bilan birga umuman sifati yomon tovarlar ham talaygina. Lekin bu safar Uzum’dan hech narsa topa olmadik. Oxiri, ryukzakni Mirobod bozoridan 365 ming so‘mga xarid qildik. Sport formasini «Kompas»dan, Turkiyaning «Indenim» do‘konidan arzon narxda sotib oldim. Endi yana ikki juft poyabzal sotib olish kerak — doimiy va almashtirib kiyishga. Charm sandallarni «Perlina»dan oldik — u yerda 3 oyga bo‘lib to‘lash imkoniyati mavjud. 700 ming so‘mni bo‘lib to‘lash juda qulay. Almashtirib kiyishga esa «Di-sport»dan chegirmada kedilar oldik. O‘quv qurollarining ko‘p qismi o‘tgan yildan qolgan, shuning uchun Qatortol va «Kanstik»dan faqatgina zarur narsalarni sotib olamiz — u yerdan bemalol ajoyib tovarlarni topish mumkin. «Солнечный» yoki «Abu Saxiy»ga borsangiz ancha tejamli chiqadi, lekin u yerga katta bozorlik uchun borsangiz arziydi, bizga esa ko‘p narsa kerak emas. Kichkinalarim katta bo‘lganda (uning yana ikki farzandi bor), ehtimol, ulgurji bozorlarga borarman».

Viktoriya
Viktoriya xaridlar uchun 2,5 million so‘m ajratgan edi, ammo hozirning o‘zidanoq u ko‘pi bilan 1,5 million sarflashini yaxshi biladi.
Yana u bolalar uchun yaxshi poyabzal do‘konlarini ham tavsiya qilib o‘tdi: 
  • Amelly by Perlina — poyabzallarni bo‘lib-bo‘lib to‘lashga xarid qilish mumkin 
  • Vicco — u yerda ustama va qo‘shimcha foizlar yo‘q 
  • Chado.uz — do‘konda keshbek tizimi mavjud

Chet elda yoki onlayn xaridlar 

Aleksandraning qizi ham 3-sinfga boradi — u xususiy maktabda o‘qiydi, shuning uchun maktab jihozlari va darsliklarning ko‘p qismini maktab tomonidan beriladi. Maktab formasi — havorang polo va jinsi shim.

Maktabga oz qoldi: oyijonlar tejamli tayyorgarlik ko‘rish sir-asrorlari bilan bo‘lishadilar

«Hozir Moskvadaman, shuning uchun hamma narsani Ozon va Wildberries’dan sotib olyapman. Toshkentda buyurtma qilish noqulay. Bu yerda esa istagancha buyurtma berasan, ertasiga yetkazib berishadi, kiyib ko‘rasan va mos kelsa, olib qolasan, bo‘lmasa yo‘q (xuddi Uzum’dagidek). Bu taksi yo‘lkira va asablarni tejashga yordam beradi. Men ikki to‘plam forma, ikki juft poyabzal (doimiy va almashtirib kiyishga), jismoniy tarbiya formasi — futbolka, shortik, krossovka, gimnastika kiyimlari — cheshkalar, losina, suzish kiyimini olaman. Kerakli narsalarni bittada emas, doim bo‘lib-bo‘lib sotib olishga harakat qilaman. Chunki bola tez o‘sishini va kiyimlarning ko‘p qismi tez kichrayib qolishini hisobga olish kerak. Shuningdek, flomasterlar yoki ruchkalar kabi qo‘shimcha kanselyariya mahsulotlarini ham onlayn sotib olishimiz mumkin»

Aleksandra
Aleksandraning hisob-kitoblariga ko‘ra barcha xaridlarga taxminan 4–4,5 million so‘m yetadi. 

Maktab bozoriga tayyorgarlik ko‘rayotganingizda AVO platinum kredit kartasini ochib, o‘zingiz uchun qo‘shimcha hamyonga ega bo‘lishingiz mumkin. Virtual kartani bepul ochishingiz va xaridlar uchun 50 million so‘mgacha kredit limitini olishingiz mumkin. Agar sarflangan summani 45 kungacha bo‘lgan imtiyozli davr ichida qaytarsangiz, foizlar to‘lashga to‘g‘ri kelmaydi. Karta bilan mamlakat ichida ham, xorijda ham xaridlar qilish mumkin. Qulay tomoni shundaki, kreditga olingan pulni sarflamasdan, shunchaki zaxira sifatida ham hisobda saqlashingiz mumkin. Pullarni sarflamaguningizcha, sizga foizlar hisoblanmaydi. 

Bola qancha katta bo‘lsa, tajriba ham shuncha ortaveradi 

Viktoriya G. bu yil o‘g‘lini 7-sinfga yuboryapti. O‘tgan yili u kiyimlarni (ko‘ylak, shim, jismoniy tarbiya uchun forma, poyabzal va boshqalar) Moskvadagi turli savdo markazlaridan xarid qilgandi. Ikkita kalta yengli ko‘ylak, uchta shim, sport shimi va poyabzalga 1,5–2 million so‘m sarflagandi. Ularning orasida eng qimmati — taxminan 700 ming so‘mlik poyabzal. Daftar, kundalik va boshqa o‘quv qurollarini esa WB’dan buyurtma qilgandi, chunki u yerda tanlov keng va narxlar qulay. Taxminan 300 ming so‘m atrofida xarajat qilgan.

Maktabga oz qoldi: oyijonlar tejamli tayyorgarlik ko‘rish sir-asrorlari bilan bo‘lishadilar

«Men bozorma-bozor yurishni yomon ko‘raman, u yerda odam ko‘p va doim narxlarni so‘rab yurish kerak. Ammo bu yil WB’da ham narxlar keskin oshib ketdi, Uzum’da esa asosan mahalliy ishlab chiqaruvchilarning mahsulotlari sotiladi, daftarlarning sifati yaxshi emas, yana muqovalari ham zamondan ortda qolgan — bu esa o‘smirlar uchun juda muhim. O‘tgan yili Uzum’dan ryukzak sotib olgan edim, atigi 3 kun foydalanildi xolos. Shuning uchun bu yil katta ehtimol bilan "Qatortol"ga boraman. Ko‘p narsa olmoqchi emasman, chunki hozir kerakli narsani istagan vaqtda topish mumkin. Shim va ko‘ylaklarni «Just» kabi do‘konlardan sotib olmoqchiman. Chunki farzandimga to‘g‘ri keladigan o‘lchamlar endi topiladi. Hozir bozordagi narxlar ko‘pincha o‘rtacha darajadagi butiklardan qimmatlashib ketdi. Masalan, dugonam qiziga «Kadisheva»dan forma sotib olibdi: uzun yengli ko‘ylak, ikkita kalta yengli ko‘ylak, yubka, ikki juft paypoq va bo‘yinbog‘ 1,5 million so‘mga tushibdi — juda qimmat. Menimcha, maktab formalari ko‘p pul sarflashga arzimaydi: chunki bola tez o‘sadi va kiyimlarini esa tez eskirtirib qo‘yadi. Yaxshisi, sifatli, ammo arzonroq narxdagi variantlarni olish kerak: ko‘ylak uchun 200 minggacha, shim uchun 300 minggacha sarflagan yaxshi. Ammo poyabzaldan pulni ayamaslik kerak: u namga chidamli va pishiq bo‘lishi kerak»

Viktoriya
Viktoriya bu yil taxminan 1 million so‘m: 600 ming kiyim-kechaklar uchun (ryukzaksiz) va 400 ming o‘quv qurollari uchun sarflashni rejalashtirmoqda.

Oldingizga aniq reja qo‘ying, shunda hammasi oson kechadi 

Veronikaning qizi 11-sinfda o‘qiydi. Bozorlik qilishga qizining o‘zi chiqadi, hamrohlik qilish shart emas. Uning aytishicha, ilgari kiyimlar arzonroq edi, ammo farzandining yoshi bilan birga narxlar ham o‘sib bormoqda. 

«Biz xaridlarni «O‘rikzor», «Qatortol» yoki «Atlas» savdo markazidan qilishni rejalashtiryapmiz. «O‘rikzor» yashash joyimizga yaqin, «Qatortol»da esa qulay — tanlov keng, turk mahsulotlari bor, kanselyariyani ham o‘sha yerdan olamiz. 200–300 ming so‘mlik yubkalar, 250–350 ming so‘mlik loferlarni ko‘rib qo‘ydik, yana sumka, ko‘ylak va boshqa mayda-chuyda narsalar kerak bo‘ladi».

Veronika
Veronika kiyim-kechak uchun 1,5 million so‘m ajratgan.
Mahsulotlar
Yunusobod bozoridagi maktab
Kanstik
Macro
Korzinka
Uzum
Daftar 12 varaq
600–1 000
600
550
590
500–1 800 (qadoqda 5/10 dona)
Daftar 48 varaq
2 500 dan
4 500–9 000
2 450
2 190–11 990
5 000–10 000 (3,5,10 talik qadoqlarda)
Daftar 96 varaq
4 500 dan
5 300–27 000
4 450
3 990
8 000–20 000 (3,5,10 talik qadoqlarda)
Kundalik
5 000–30 000
4 500–12 000
9 000–77 000 
Rasm daftari
7 000–10 000
6 000–26 000
6 990–9 990
4 000–60 000
Qalamdon
50 000–100 000
30 000–120 000
12 000
19 990–29 990
7 000–370 000
Ryukzak
130 000–180 000
200 000–2 000 000
92 990
50 000–1 900 000

*Kerakli ba’zi tovarlarning narxlari
*Narxlar so‘mda ko‘rsatilgan

Maktab xarajatlari uchun pul yetmayaptimi?

AVO platinum kartasini oching va 50 mln so‘mgacha kredit limiti oling

Kartani olish

Birinchi marta makta bozor qilayotganlar uchun layfhaklar 

  • Maktabdan kerakli narsalar ro‘yxatini so‘rab oling. Shunda ortiqcha xarajatlardan qutulasiz. 
  • Hamma narsani birdan va ko‘p miqdorda sotib olmang.  Ayniqsa, bitta farzandingiz maktabga borsa. Tajribali onalar avval kamgina olib, kerak bo‘lgan paytda qo‘shimcha xaridlar qilishni maslahat berishmoqda. Hozirda barcha tovarlarni istalgan paytda topish mumkin. Faqatgina katakli 12 varaqli daftarlardan zaxira ko‘proq olish tavsiya etiladi. 
  • Do‘konlarning ijtimoiy tarmoqlaridagi aksiya va chegirmalarini kuzatib boring. Foydali takliflarni izlang, masalan, mavsumiy poyabzallar sotuvi, «ikkinchisi tekinga», «1+1=3» kabi aksiyalar, shuningdek, foizsiz bo‘lib to‘lash imkoniyati mavjud joylarni bilib oling. 
  • E’tibor bilan kuzating va narxlarni taqqoslang. Ko‘pincha brend mahsulotlarni bozorlardagiga qaraganda arzonroq narxlarda topish mumkin. 
  • Darsliklarni yuqori sinf o‘quvchilaridan sotib oling. Bu bozordagidan arzonroqqa tushadi. 
  • Qimmat kiyimlarni xarid qilmang. Ayniqsa, oq ko‘ylaklar va futbolkalarni. Bolalar, qanchalik ehtiyot qilib kiymasin, baribir kiyimlarini doim yirtishadi, kir qilishadi, biror-joyga ilintirb olishadi. Buning ustiga, ularning o‘lchami farzandingizga tezda kichkina bo‘lib qoladi. 

*Maqoladagi ma'lumotlar nashr etilgan vaqt uchungina amal qiladi. AVO bank ushbu ma'lumotlar kelajakda ham xuddi shunday va dolzarb bo'lib qolishiga kafolat bermaydi. Qaror qabul qilishdan oldin eng so'nggi ma'lumotlarni tekshirishingizni maslahat beramiz.

*Maqolada tashqi resurslarga havolalar keltirilgan. AVO bank tashqi resurslardagi ma'lumotlar uchun javobgarlikni o'z zimmasiga olmaydi.

*Maqoladagi fikr — muharrirning shaxsiy fikri bo'lib, u AVO bank pozitsiyasini ko'rsatmaydi. Bank ma'lumotlar to'g'riligi va undan foydalanish oqibatlari uchun javobgarlikni o'z zimmasiga olmaydi.

*Narxlar taxminiy va faqat nashr etilgan vaqtdagina amal qiladi.

💸 Pul
Viktoriya Yerofeyeva
Maqola muharriri
30.08.2024
15 daqiqa

AVO kredit kartasi

Mikroqarz

AVO omonati

UZCARD virtual kartasi

Bank haqida

  • Mahsulotlar
    • AVO platinum kredit kartasi
    • Mikroqarz
    • Shaxsiy ehtiyojlaringiz uchun onlayn kredit
    • O'zini o'zi band qilganlar uchun kredit
    • AVO omonati
    • Uzcard virtual kartasi
    • Moslashuvchan omonat
    • Uyni ta'mirlash uchun kredit
    • To'y qilish uchun kredit
    • Debet kartasi
    • To'lov stikeri
    • Debet virtual kartasi
  • Jamoamizga qo'shiling
    • Vakansiyalar
    • IT, biznes va jarayonlar
    • Mijozlar bilan ishlash
    • AVO gidlar
  • Foydali ma'lumotlar
    • Tariflar
    • Sayt xaritasi
    • Aksiyalar va hamkorlar
    • Kartani chiqarish qurilmalari
    • Firibgarlik sahifalari
  • Fikr-mulohazalar
    • Savollar va javoblar
    • Murojaat yuborish
    • Fuqarolar qabuli
    • Fikr-mulohazalar
+998 (78) 888-78-87

Barcha savollaringizga javob beramiz va muammolarga yechim topishda yordam beramiz

AVO gapBankomatlar

  • Xususiy mijozlar uchun

    AVO platinum kredit kartasiKartani uydan chiqmasdan rasmiylashtiring — pasport yoki ID-karta bo'lsa kifoya
    new
    MikroqarzIlovada 100 mln so‘mgacha pul oling. Kafil va daromad haqida ma’lumotnomalarsiz

Bosh sahifa

Moliya

Yangiliklar

Savol-javoblar

Bosh sahifaMoliyaYangiliklarSavol-javoblar
Mobil ilova

Ilova sizning Android va iPhone qurilmangizda mavjud

2026,«AVO bank» AJ, 2025-yil 28-fevraldagi 83-sonli litsenziya Saytdagi ma’lumotlarning so‘nggi yangilanish sanasi: 26/07/2026

  • Kompleks bank xizmatlarini ko'rsatish shartlari

  • Foydalanish shartnomasi

  • Maxfiylik siyosati

Bu AVO onlayn bankining rasmiy sayti. «AVO bank» xizmatlarni shaxsiylashtirish va ulardan foydalanish sifatini yaxshilash uchun cookie fayllardan foydalanadi. Cookie fayllari veb-saytga oldingi tashriflar haqidagi ma’lumotlarni o’z ichiga olgan kichik fayllardir. Agar siz cookie fayllardan foydalanishni istamasangiz, iltimos, brauzer sozlamalarini o’zgartiring.

Shaxsiy ehtiyojlaringiz uchun kreditKundalik xarajatlaringiz va xaridlar uchun AVO platinum kartasiga kredit oling
O'zini o'zi band qilganlar uchun kreditIlovada 100 mln so‘mgacha pul oling. Kreditni tasdiqlab, hisobingizga o’tkazamiz
O’zbekistondagi qulay mobil bank

Barcha bank xizmatlari va operatsiyalari smartfoningizda

Kredit mahsulotlari
  • Kartalar

    Xususiy mijozlar uchun

    AVO platinum kredit kartasiKartani uydan chiqmasdan rasmiylashtiring — pasport yoki ID-karta bo'lsa kifoya
    UZCARD virtual kartasiO‘zbekiston bo‘ylab o‘tkazmalar va to‘lovlar uchun bank kartasini bir daqiqada oching
    AVO platinum debet kartasiNavbatlarsiz va bankka bormasdan — kartangizni eng yaqin kartomatdan bir zumda oling
    To'lov stikeriStikerni smartfonga yopishtiring — xaridlar uchun bir teginishda to'lov qiling
    O’zbekistondagi qulay mobil bank

    Barcha bank xizmatlari va operatsiyalari smartfoningizda

  • Omonatlar

    Xususiy mijozlar uchun

    AVO omonatiFoydali shartlarda: istalgan paytda to'ldiring yoki qisman pul yechib oling
    O’zbekistondagi qulay mobil bank

    Barcha bank xizmatlari va operatsiyalari smartfoningizda

  • Bank haqida
  • Yana

    Jamoamizga qo'shiling

    • Bo'sh ish o'rinlari

    • IT, biznes va jarayonlar

    • Mijozlar bilan ishlash

    • AVO gidlar

    Foydali ma'lumotlar

    • Tariflar

    • Sayt xaritasi

    • Aksiyalar va hamkorlar

    • Qarzdorlikni so'ndirish

    • Kartani chiqarish qurilmalari

    • Firibgarlik sahifalari

    Fikr-mulohazalar

    • Savollar va javoblar

    • Murojaat yuborish

    • Fuqarolar qabuli

    • +998 (78) 888-78-87Murojaat yuborish