«Kredit kartasi» so‘zi qandaydir xavfli narsadek eshitiladimi? % belgisini ko‘rganingizda, hamyoningizni uzoqroqqa yashirgingiz keladimi? Tabriklaymiz, siz bank mahsulotlarini qo‘rqinchli va tushunarsiz narsa deb qabul qiladigan kreditofobiya kasalligiga chalingansiz.
Hech qachon qarz botqog‘iga tushmagan bo‘lsangiz ham, bu qo‘rquv allaqachon miyangizdan joy olgan bo‘lishi mumkin. U boshqalarning «palonchi qarzga botib ketdi va endi qariganigacha qarz to‘laydi» yoki «juda zarur bo‘lmasa, hech qachon kredit olmang» kabi hikoyalari bilan keladi. Yana, katta avlodning «qarzlar — bu oxirgi chora, tushundingmi?» degan maslahatlari ham bunga qo‘shimcha bo‘ladi.
Kasallik alomatlari: kreditofobiyani qanday aniqlash mumkin
- Kartani faollashtirish ham qo‘rqitadi: «Foizlar darhol hisoblanib ketsa-chi? Biror tugmani noto‘g‘ri bosib qo‘ysam nima bo‘ladi?»
- Xarajat qilishdan qo‘rqish: hatto kredit miqdori kam va pulni qaytarish imkoniyati bor bo‘lsa ham yurak g‘ash bo‘ladi.
