1-oktyabr — Ustoz va murabbiylar kuniga ozgina qoldi. Narxlar ko‘tarilib ketmasidan, guldastani hozirdan tanlab qo‘ygan ma’qul. Shaharda har qanday hamyon va didga mos gul do‘konlari yetarli. Sizlarga gullari sifatli, chiroyli guldasta yasaydigan, narx va xizmat ko‘rsatishi ham yoqqan gul do‘konlari haqida aytib bermoqchiman.
Asparagus
Gullarga ehtiyotkor munosabatda bo‘ladigan ustaxona. Tabiiy va tartibli ko‘rinishga ega guldastalarni qog‘oz va skotchsiz tayyorlashadi. To‘yimga yasab berishgan guldastam naqt 2 hafta turdi. Siz uchun soddalik va ekologiya muhim bo‘lsa, bemalol shu yerdan buyurtma qilishingiz mumkin.
Rasmdagi gullar narxi — 250 000 so‘m.
Gul bozori
Yaqinda Sergelidagi mashina bozori ichida ochildi. Har kuni turli xil yangi gullar keladi. 50 000 so‘mlik gerbera guldastasini 45 000 ga oldim. Agar savdolashishga usta bo‘lsangiz, 40 000 ga ham olishingiz mumkin. Boshqa do‘konlarda shunga o‘xshash guldastalar 150 000–200 000 so‘m turadi.
