Omonatdagi pul kerak bo‘lib qolganda, uni har kuni ishlatadigan kartangizga o‘tkazgingiz keladi. Lekin u boshqa bank kartasi bo‘lsa, komissiya chiqadi, shunda omonat ko‘ringanidek foydali emasdek tuyuladi. Aslida gap omonatda emas, puldan qanday foydalanishingizda bo‘ladi.
Omonatdan qisman yechganda yoki uni muddatidan oldin yopganda, pul foizlari bilan birga komissiyasiz talab qilib olinguncha ochilgan hisobga tushadi. Keyingi qadam esa qaysi yo‘lni tanlashingizga bog‘liq. AVO bank’da ichki hisoblar o‘rtasidagi va bankning boshqa mijozlariga o‘tkazmalar bepul.
Ko‘p holatlarda eng qulay variant quyidagicha:
omonat → talab qilib olinguncha ochilgan hisob → AVO UZCARD digital → to‘lov.
Shu tarzda boshqa bankka o‘tkazish uchun ortiqcha komissiya to‘lamaysiz.
Boshqa bankka o‘tkazish shart bo‘lmaganda
Pul kundalik xarajatlar uchun kerak bo‘lsa, uni AVO bank ilovasidagi bepul virtual karta — AVO UZCARD digital’ga o‘tkazib, keyin to‘lash qulayroq bo‘ladi. Keyin uning yordamida xarid va xizmatlarni onlayn, yagona QR orqali to‘lashingiz yoki kartani boshqa banklarga ulab, foydalanishingiz mumkin.
Internet, mobil aloqa, kommunal xizmatlar, ta’lim, jarimalar yoki davlat to‘lovlarini to‘lashingiz kerak bo‘lsa, avval AVO bank ilovasining o‘zida to‘lash mumkinligini tekshirib ko‘ring. Ko‘p holatlarda boshqa bankka o‘tkazishga hojat qolmaydi.
Boshqa bankka o‘tkazish shart bo‘lganda
Boshqa bank kartasiga o‘tkazish kerak bo‘lsa, bir nechta variant bor. AVO UZCARD digital kartasini boshqa bankka ulab, u yerda to‘lov qilishingiz mumkin. Yana bir variant, AVO platinum kredit kartasi.
AVO platinum kredit kartasidagi o‘z pulingizni boshqa bank HUMO va UZCARD kartalariga o‘tkazganingizda, 0,5% komissiya to‘laysiz. Agar kredit pullarini o‘tkazsangiz, tarif shartlari qo‘llanadi.
Qisqasi
Omonatdagi pulni darhol boshqa bank kartasiga o‘tkazishga shoshilmang. Avval AVO bank ilovasida qanday imkoniyatlar borligini ko‘rib chiqing. Shunda ortiqcha komissiya to‘lamaysiz.
