Kredit kartalari hozirda faqat maoshgacha pul yetishmayotganda foydalaniladigan «qutqaruvchi tayoqcha» emas. Bugungi kunda kredit karta — haqiqiy daromad keltiradigan moliyaviy vosita. Muhimi, uni qanday qilib to‘g‘ri ishlatishni bilish.
Keling, oddiy misollar orqali, kredit kartasini qanday qilib daromadga aylantirish mumkinligini ko‘rib chiqamiz.
Kredit kartasidan qanday qilib daromad olish mumkin?
Tasavvur qiling: siz restoranda ovqatlandingiz, mashinani yonilg‘i bilan to‘ldirdingiz, chipta sotib oldingiz — umumiy qilib aytganda, odatdagidek xarajat qildingiz. Lekin shu bilan birga, bank sarflagan pulingizning bir qismini sizga qaytarib berdi. Yoki, masalan, bank sizga 1 oyga foizsiz qarz berdi va siz shu vaqt ichida o‘sha pulni depozitga qo‘yib, ustiga daromad oldingiz. Naqada yoqimli!
Kredit kartasidan daromad olish uchun bir nechta usullar:
Keshbek
Bu birinchi va eng tushunarli usul. Masalan, agar siz kartangiz bilan kechki ovqatni to‘lasangiz, xarajatning bir qismini qaytarib olasiz. Boshida bu pul kichikdek tuyulishi mumkin, lekin bir oyda bu keshbek bilan internet yoki mobil aloqa to‘lovini qoplash mumkin. Masalan, AVO platinum kartasi birinchi xariddan 100% gacha keshbek qaytaradi va har bir keyingi xarid uchun 1% keshbekni taklif qiladi. Ushbu keshbek bonus hisobingizda yig‘iladi va uni keyin 1 ga 1 haqiqiy pulga almashtirishingiz mumkin. Tushunarsiz bo‘lib tuyulsa-da, bu juda oddiy narsa: xarid qildingiz — keshbek yig‘ildi — pulga almashtirdingiz — va yana xarid qilasiz.
