Har birimiz hech bo‘lmaganda bir marta shunday vaziyatga tushib qolganmiz: pul hoziroq kerak, lekin hisobda mablag‘ yo‘q. Telefon buzilib qoladi — usiz esa go‘yo qo‘llaringiz bog‘langan. Yoki kutilmaganda ajoyib aksiya chiqib qoladi, lekin oylik hali tushmagan bo‘ladi. Bunday vaqtda pulni qayerdan topish mumkin?
Yaxshiyamki, bugungi kunda zarur miqdorni tezda topishning ko‘plab usullari bor, hattoki banklar kredit berishga shoshilmasa ham. Keling, qayerdan tez pul olish mumkinligi va agar hamma joy rad etayotgan bo‘lsa, qanday yo‘l tutish kerakligini ko‘rib chiqamiz.
Pul hoziroq kerak bo‘lsa, nima qilish kerak?
Birinchi bo‘lib xayolga keladigan narsa — qarindosh yoki do‘stlardan qarz so‘rash. Bu eng qulay variant, chunki foiz to‘lash va ortiqcha hujjatlarni rasmiylashtirish shart emas. Asosiysi — pulni qachon va qanday qaytarishingizni oldindan kelishib olish, shunda keyinchalik munosabatlaringiz buzilmaydi.
Agar tanishlardan so‘rash noqulay bo‘lsa, mikromoliya tashkilotlariga murojaat qilishingiz mumkin. Ular 15 daqiqa ichida kichik miqdordagi mablag‘ni ajratishadi, arizani esa onlayn topshirish mumkin. Masalan, ba’zi xizmatlar orqali daromad haqida ma’lumotnomasiz ham 5 mln so‘mgacha olish mumkin. Biroq, bu yerda foiz stavkalari banklarnikidan yuqori bo‘lishi mumkin, shuning uchun qancha qaytarishingiz kerakligini oldindan hisoblab chiqish muhim.
Yoki bankda olsa bo'ladi. AVO bank’da mikroqarzni to‘g‘ridan-to‘g‘ri ilovada rasmiylashtirish mumkin: 100 mln so‘mgacha, garovsiz va kafillarsiz. Javob taxminan 1 daqiqada chiqadi. Bundan tashqari, stavka MFOlarda ko‘p uchraydigan stavkalarga qaraganda pastroq. Ilova bir vaqtning o‘zida bir nechta taklifni ko‘rsatadi — summasi, muddati va oylik to‘lovi har xil bo‘ladi.
Qarz va kredit olmasdan qayerdan pul topish mumkin?
Agar qarz olishni xohlamasangiz, foydalanilmayotgan buyumlaringizni sotishni o‘ylab ko‘ring. Uydagi keraksiz narsalarni eslang: eski texnika, kiyilmaydigan kiyimlar yoki ishlatilmayotgan velosiped. OLX yoki Telegram kanallariga e’lon joylashtirsangiz, ba’zan xaridorlar bir kunda topiladi.
Yana bir variant — vaqtinchalik qo‘shimcha daromad topish. Masalan, kuryerlik qilish, taksida ishlash yoki frilans platformalarida xizmat taklif qilish mumkin. Agar matn tahrirlash, dizayn yoki ijtimoiy tarmoqlar bilan ishlash bo‘yicha ko‘nikmalaringiz bo‘lsa, ular uchun bugunoq haq olishingiz mumkin.
Agar naqd pul emas, balki ma’lum bir mahsulot kerak bo‘lsa, muddatli to‘lovni tanlash mumkin. Maishiy texnika, mebel va hattoki kiyim-kechak do‘konlari ko‘pincha foizsiz muddatli to‘lov taklif qilishadi. Asosiysi — daromadingiz shartlarga mos bo‘lishi kerak. Lekin bu yerda ehtiyot bo‘lish lozim: ba’zan «foizsiz» deb beriladigan muddatli to‘lov ichida yashirin komissiyalar bo‘lishi mumkin.
Yomon kredit tarixiga qaramay pul olish mumkinmi?
Agar avvalgi qarzlarni kechiktirib to‘lagan bo‘lsangiz va banklar kredit bermasa, bu hali hammasi tugadi degani emas. Ba’zi MKTlar va xususiy kredit tashkilotlari avvalgi qarzlaringiz emas, balki hozirgi moliyaviy holatingizga qarab pul berishadi. Muhimi — eng birinchi variantga yopishib qolmasdan, shartlarini diqqat bilan o‘qib chiqish.
Onlayn mikroqarz muammoni hal qiladi!
Zudlik bilan pul kerakmi? 1 daqiqada 100 mln so‘mgacha oling — 30 kungacha 0%
Xulosa
Moliyaviy qiyinchiliklarga tushib qolganingizda ham, pul topishning iloji bor — asosiysi, vahimaga tushmaslik va eng mos variantni tanlash. MKT orqali qarz olish, do‘konlarda muddatli to‘lov yoki qo‘shimcha daromad topish — qanday yo‘l tanlamang, avvalo o‘z imkoniyatlaringizni real baholash muhim.
Bunday vaziyatlar takrorlanmasligi uchun esa har oy kichik summani jamg‘arib borishga harakat qiling. Masalan, atigi 100 000 so‘mdan saqlab borsangiz, bir yil ichida kutilmagan xarajatlar uchun «moliyaviy yostiq» tayyor bo‘ladi.
*Ushbu maqola faqat umumiy tushuncha va ma’lumot uchun. Material yuridik maslahat hisoblanmaydi: matn malakali yurist tomonidan tayyorlanmagan, unda soddalashtirishlar, noaniqliklar yoki eskirgan ma’lumotlar bo‘lishi mumkin. Qaror qabul qilishda yoki qanday yo‘l tutishni tanlashda faqat ushbu materialga tayanmang. Professional huquqiy yordam kerak bo‘lsa, malakali mutaxassislarga murojaat qilganingiz ma’qul.
